قصة طفل.........

السلام عليكم ..


مساء الخير على الحلوين ...


في عائلة رجل وزوجته واولاده ويرافقهم والده ووالدته طالعين للبر في مره من المراريت


وعند غياب الشمس جاهم طفل عمره سنتين تقريباً يمشي ويلهث ملابسه ممزقه ووصخه بالدم والتراب


ولقى قاروة ماء كانت موجوده عندهم واخذها وشربها كلها تكفي رجال بالغ


وكان يبحث بمواعينهم عن اكل من شدة الجوع وكان باقي غداء من غداهم واخذه الشياب الجد واعطاه الطفل وصار ياكل بلهفه حتى انهم خافو باقي الاسره خاصة الجده والام والبنات من هذا المنظر كيف طفل لايتجاوز سنتين يشرب ماء وياكل بهذه الطريقه


ثم بعد ان شبع استلقى على ظهره ونام نوم عميق اخذه الشايب وفرش له بطانيه وسدحه عليها وغطاه بمشلحه حتى صلو المغرب ذهبو يبحثون عن اهله في المنطقة الي هم فيها ماوجدو احد قال الجد بناخذه معنا اعترضت الجده والام قالو يمكن هذا جني مو انسان عادي


قال الشياب والله ماخليه هنا يا اخذه معي والا اجلس معه هنا .


بعد اسرار الجد اخذه معه والطفل نايم نوم عميق .. اقترح رب الاسره ان ياخذه لا اقرب مركز شرطه ويحكون لهم القصه . وافق الجد.


بالصدفه وجدو دورية امن الطرق واخبرهم بما حصل وقالو امشو امامنا ورونا وين لقيتوه


وبعد البحث بالمنطقة وجدو سياره منقلبه بعيده عن الخط وفيها رجال وحرمته متوفين


وبعد الكشف عليهم عن طريق الطب الشرعي اتضح انهم متوفين من حوال 24 ساعه وكانت سيارتهم بعيده عن مكان الاسره تقريبا بكيلو ونص وكان الطفل يمشي وينام يبحث عن اكل


سبحان الله اراد الله انه يعيش يمشي يمشي حتى وجد هذه الاسره .


فطلب الجد ان الطفل يعيش معهم حتى يأتي احد من اقاربه يستلمه منهم وافقة الجهة المختصه .


هذه القصه ياجماعة الخير يوم سمعتها ولله بكيت تخيلت هذ الطفل وش كانت حالته بالليل ماحوله احد .. سبحان الله الحامي والحافظ .


والسلام عليكم ..

يسلموا على مرورك